Na matri p’un figghiu si scippa u coridi lu pettu
cu la simplicità di comu a matina ci fa lu lettu
Si strazza l’abiti di ‘ncodu pi cci fari du cosetti
picchì c’è friddu e voli mi si metti
Si leva u pani di ‘nta la bucca soi
“avi a fami…U nnàcchiru bramòi!!”
La notti vigghia
Cu sapi u ppicciriddu si svigghia
U iornu u ‘ssicuta cu l’occhi
“mi nun ti struppìi, attentu a unni tocchi”
Idda staci mali e nun si lamenta
Ma si u “ciatu” iavi a frevi pi tuttu u tempu nun benta.
L’amuri è ranni e nun è sposa
Si nun ciù dici mancu si riposa
Tignitivilla stritta sta mamma
Picchì nudu iautru, pi vuiautri, stramma.
/image%2F0898161%2Fobpic8hpsXq.jpeg)
/image%2F0898161%2F20160602%2Fob_595599_distraction.jpg)
/image%2F0898161%2Fobpic0sAYf9.jpeg)
/https%3A%2F%2Fassets.over-blog.com%2Ft%2Fcedistic%2Fcamera.png)